Handklekreasjonane når nye høgder:

Hushjelp Manuela har til og med tatt seg bryet med å teikna papirauger og -nase. Eg har ikkje hjarte til å tørka meg på den nye hunden, så han har blitt sitjande til pynt på skrivebordet.

Elles har me hatt frigjeringsfeiring denne veka. Skulen arrangerte middag på tysdagen og studentane møtte i det dei meinte var passande habittar. Her er det minst identitetsavslørande biletet eg har av dei: 

Mykje flagg og sombrero, altså. Korleis hadde nordmenn reagert på ein gjeng med animerte mexicanarar sveipte i norske flagg på 17. mai, tru? Dei fleste me møtte her let i alle fall til å setja pris på engasjementet.

Etter middag gjekk me på rådhusplassen og høyrte el Grito. 

 

Den grøne pålen leier opp til eit enormt flagg. 

 

Det var også fyrverkeri og halabaloi, men eg hadde arbeid å gjera og gjekk difor heim utan å få med meg hovudfeiringa. Studentane mine feira derimot så mykje dei berre kunne. Trur dei sleit litt med samfunnsvitskaplege forklaringstypar klokka åtte dagen etter.

Til sist eit bilete av dei fine døtrene til kollegaane mine. Emily i rosa og Azul i kvitt. 

 

Eg fekk låna falske fletter med mexicanske sløyfer i av dei. Det gjorde stor lukke.